VOV4.K’ho- Drim ngai 28/8, Thủ tướng Cíñ phủ ồng Phạm Minh Chính neh lơh broă mờ Ƀan Thường vụ Tỉñ ủy Lào Cai. Yal tàm dơ̆ lơh broă, Ƀí thư Tỉñ ủy Lào Cai ồng Đặng Xuân Phong pà git, Lào Cai là càr ơm lài ngan tàm 14 càr tiah dòr mờ tiah kơh bơnơm đah tô dà lơgar. Khà gơguh lơh sa jơnhua, gơguh sùm, kờp bal tơngai bơh nam 1991 tus nam 2021 geh mờr 10% pah nam.

               Thủ tướng Cíñ phủ ồng Phạm Minh Chính lơh broă mờ Ƀan Thường vụ Tỉñ ủy Lào Cai

Đơs tàm dơ̆ lơh broă, Thủ tướng Phạm Minh Chính đơs nền, Lào Cai geh uă bơta ƀuơn bè uă gah, mơya kung gam geh 2, 3 bơta ờ niam bè: broă lơh sa gam dềt; bơta niam gơguh lơh sa ờ hềt kơ̆ kơljap, hòi jà priă jền bơcri bơtàu tơnguh in gam lơyah; Thủ tướng sồr càr pal rơcang lài jơh nùs mờ bơtàu tơnguh lơh sa mhar, kơ̆ kơljap, sền gàr kơ̆ dà lơgar, sền gàr kơ̆ lơngăp lơngai, gàr kơ̆ gùng nhàr lơgar ring lơngai lơh broă bal mờ git gơp lơh bơyô, pơgồp bơnah tàm broă sơlơ tơnguh git gơp lơh bơyô ờs mờng đah 2 lơgar, đah 2 jơi bơtiàn Việt Nam mờ Lo; lơh tiah rơcang gàr lài kơ̆ kơljap bè sền gàr lơngăp lơngai dà lơgar, bơt bơtàu tiah rơcang gàr lài, lơh broă bal mờ tàm pơrlòng lơh sa dunia jrô ơnàng ngan ngồn mờ geh cồng nha.

Cau mblàng K’Duẩn