Thủ tướng jờng rơ ală broă lơh lơh broă bal, ală jơnau đơs sền gĭt lài mờ di pal bơh Ƀộ Tài cíñ lơgar Mỹ dê bè đơng lam gùng dà broă lơh priă tơm, tàm pơndrờm priă  lơgar Việt Nam dê.

Tàm nùs nhơm jơh nùs, pin dờn, sơrmah sơrmài, Thủ tướng sồr 2 gah pơn jat tai tam pơ gơl mpồl kwang bàng kấp dờng lòt còp bal mờ gơ̆p mờ ală kấp, sơlơ tơnguh tàm tơrbŏ bal 2 rài lơh sa, lơh pràn lơh broă bal lơh sa, kă bro, bơcri priă, tàm hơ̆  geh gơguh tơlir, tam gơl pa bơceh lơh, kông nghệ kao, ală anih lơh gơlik phan... Mơkung sồr ngan lơh broă bal tàm broă lơh rcang sơndră mờ tam gơl trồ tiah, lơh jat Jơnau yal lơgar lơh broă bal tàm ntrờn năng lượng ring bal, dong kờl lơgar Việt Nam bơtàu tơnguh gah lơh sa mờ măi mok năng kượng lơh gơlik wơl. Ƀộ trưởng Tài cíñ lơgar Mỹ đơs nền lơgar Việt Nam là lơgar lơh broă bal ngai sơlơ kwơ màng gơwèt mờ lơgar Mỹ dê mờ tă pơgồp gơnoar broă tờm tàm broă lơh jŏ jòng Ấn Độ Dương- Thái Bình Dương bơh lơgar do dê. Lơgar Mỹ kơ̆p kờñ lơh pràn lơh broă bal lơh sa, kă bro mờ lơgar Việt Nam; geh broă rơndap lơh sơlơ lơh broă bal mờ lơgar Việt Nam bè ală anih lơh gơlik phan jat tàm ală bơta lơh broă bal tơl làm, pin dờn; dong kờl lơgar Việt Nam tơnguh uă bơta pràn jak lơh gơlik chíp bán dẫn mờ năng lượng lơh gơlik wơl.