Tàm dơ̆ tìp mat, Thủ tướng Cíñ phủ ồng Phạm Minh Chính jờng rơ dơ̆ lòt còp ngan ngồn lơgar Việt Nam dơ̆ sơn rờp bơh Bộ trưởng lơgar Philippines ồng Manalo dê; đơs nền Việt Nam sền dờng màng mờ kơ̆p kơñ sơlơ tơnguh bơta gĭt gơ̆p Lơh broă bal jŏ jong mờ lơgar Philippines ngai sơlơ geh cồng nha mờ mut lơh broă ngan ngồn. Nàng pơn jăt tai ai bơta gĭt gơ̆p 2 lơgar dê bơtàu tơnguh pràn kơl dang jơh bal bè mŭt lơh broă làm uă mờ jrô ơnàng.

Tàm hơ̆ sền gròi sơlơ tơnguh dơ̆ tàm pơgơl mpồl kwang bàng kấp dờng mờ ală kấp lòt còp bal mờ gơ̆p, lơh pràn gơ hòi jà kă bro lơh sa- kă bro, tàm hơ̆ geh lơh broă bal kă bro phe, sền sơ wì tă bơsong ală bơta kơryan ờ kwơ màng mờ dong kờl bal mờ gơ̆p gàr tơl kòi phe, lơh geh tiah kă bro mờ bơcri priă ƀuơn ƀoài ai ală mpồl lơh sa kă bro bal mờ gơ̆p in; pơnđơl pràn lơh ngan gờñ lơh geh priă lơh geh bơh tăc phan mờ lơgar ndai kă bro 2 gah 10 tơmàn dolar Mỹ mờ lơh pràn lơh broă bal ală gah geh bơta ƀuơn, bơta pràn ndai bè ngui măi mok tàm broă lơh sa, lơh sa tàm pơdar, lơh sa tơlir, năng lượng lơh gơlik wơl, rcang sơndră trồ tiah lơh aniai, bơsong ală broă tàm dà lềng, dong kờl bal mờ gơ̆p bơtàu tơnguh lơh sa dà lềng, tam gơl pa bơceh pa, sơnđờm mut lơh broă.