VOV4.K’ho- Drim ngai 10/10, Ngai tam gơl sồ dà lơgar neh bơyai lơh tàm Anih tờm pơrjum dà lơgar mờ bơta tus bal bơh Thủ tướng Cíñ phủ ồng Phạm Minh Chính mờ pơyoa jơnau sồr bơh Cíñ phủ dê bè lơh pràn tam gơl sồ dà lơgar.

Thủ tướng Cíñ phủ ồng Phạm Minh Chính đơs tàm dơ̆ pơrjum

Đơs tàm dơ̆ bơyai lơh, Thủ tướng đơs ngan, Đảng, Dà lơgar he sùm sền dờng màng mờ sền tam gơl sồ là dùl tàm ală kơnòl broă tờm tàm tơngai dà lơgar lơh sa mờ măi mok mờ măi mok lơh jơh lơm. Sră nggal pơrjum dờng dơ̆ 13 bơh Đảng dê đơs tus broă tam gơl sồ, lơh sa sồ, mpồl bơtiàn sồ tàm ală jơnau kờñ, gùng dà bơtàu tơnguh mờ bơtàu tơnguh mhar kwơ màng. Nghị quyết bơh Ƀộ Cíñ trị dê neh đơs sùm jơnau sồr jal mhar lơh mhar broă lơh tam gơl sồ. Broă lơh tam gơl sồ dà lơgar tus nam 2025, pơlam gùng dà tus nam 2030 bơh Cíñ phủ dê lam lơh jat gùng dà tam gơl sồ dùl bă tơl làm mờ bơta tus bal bơh làng bol, mpồl bơtiàn mpồl lơh sa kă bro mờ anih lơh broă sră nggal dà lơgar dê.

VOV Tây Nguyên- Cau mblàng K’Hạnh