VOV4.K’ho- Di sa tềp bơhiàn Chol Chnăm Thmây nam 2022 bơh làng bol kòn cau Khmer dê, Thủ tướng Cíñ phủ ồng Phạm Minh Chính neh pơyua sră nting bơr gờm chờ tus làng bol, cau ling mờ ală cau kơ đơng yàng phờk kòn cau Khmer. Nting bơr làng bol, cau ling mờ ală cau kơ đơng yàng phờk kòn cau Khmer wă rò sa tềp bơhiàn Chol Chnăm Thmây nam 2022 chờ hờp, ring lơngai, gơboh gơbài.

Thủ tướng đơs nền, sa tềp bơhiàn Chol Chnăm Thmây- bơta chài rơgơi niam ngan bơh làng bol kòn cau Khmer dê- wèt tus dùl nam pa bơtuah bơtuài, niam bơnĕ. Nam 2022 là nam kuơmàng lam lơh jat ală jơnau kờñ bơh broă rơndap lơh bơtàu tơnguh lơh sa mpồl bơtiàn tơngai bơh nam 2021 tus nam 2025, là nam sơn rờp lam lơh 2 broă lơh dờng bè broă lơh kòn cau, Thủ tướng kơp kờñ mờ pin dờn làng bol, ală cau kơ đơng yàng phờk kòn cau Khmer geh pơn jat tai tơnguh bơhiàn niam bơnĕ, nùs nhơm tam klac bal, bal mờ ală kâp, ală gah broă lơh lơh ngan sơrlèt gan tơl bơta kal ke, bơta lòng, ờ gŏ di sền ờ sơp kòp bơtờp, lơh ngan lam lơh jai pha ală jơnau kờñ bơtàu tơnguh lơh sa- mpồl bơtiàn, sền gàr dà lơgar, sền gàr lơngap lơngai, ờdo ờdă mpồl bơtiàn.

Cau mblàng K’Duẩn