VOV4.K’ho- Ngai 19/10, Thủ tướng Cíñ phủ ồng Phạm Minh Chính neh đơng lam dơ̆ pơrjum dơ̆ bàr bơh Mpồl đơng lam lơh tam gơl wơl sră pơ àr dà lơgar bơh Cíñ phủ dê. Đơs tàm dơ̆ pơrjum, Thủ tướng Cíñ phủ ồng Phạm Minh Chính đơs sùm, tàm 9 nhai pa do, broă lơh lơh tam gơl wơl sră pơ àr dà lơgar neh geh lam lơh jăt dùl ròt bal mờ lơh geh ală cồng nha niam ngan tàm jơh ală gah broă lơh bơh Broă lơh jơh ală bơta lơh tam gơl wơl sră pơ àr dà lơgar, tă pơgồp kwơmàng tàm bơtàu tơnguh lơh sa- mpồl bơtiàn bơh dà lơgar dê. Bulah bè hơ̆, bal mờ ală cồng nha neh lơh geh, kung gam sơl ală bơta gam ờ hềt lơh, ờ hềt niam.

Thủ tướng ồng Phạm Minh Chính đơs tàm pơrjum

Thủ tướng sồr ală kwang bàng tàm Mpồl đơng lam pal gĭt nền loh làng gơnoar broă, kơnòl broă he dê gơwèt mờ broă lơh lơh tam gơl wơl sră pơ àr dà lơgar bơh dà lơgar dê, bơh ƀộ mờ bơh ngàñ dê; bơh hơ̆, pal rơcăng lài pơgồp bal niam mờ ală ƀộ, ngàñ mờ ủy ƀan ñân zân ală càr mờ ƀòn dờng tàm gùt lơgar tàm ală tŭ lam lơh jăt ală kơnòl broă geh jàu, lơh pràn lơh tam gơl wơl sră pơ àr dà lơgar tàm ală nhai lồi nam 2022, mờ broă lơh pa, geh cồng nha jăt gùng dà lơh broă bơh Cíñ phủ dê “Tam klăc bal duh rơngòt adat boh lam, rơcăng lài gơdờp bal, niam mờ geh cồng nha, lơh wơl bơtàu tơnguh”.

VOV/ Lơ Mu K’Yến mblàng