Tơnguh uă nùs nhơm geh kơnòl, ngui gơnoar broă bơh cau lam bồ tàm broă đơng lam, sồr lơh mờ bơyai lơh” “mìng cri bơyai lơh, bañ cri bơyai wơl”; sùm sền wơl, lam lơh, di tŭ gŏ mờ bơsong ală bơta kal ke, gơkòl gơlik geh bơh tơl rơndăp broă lơh, tàm hơ̆ uă ngan là ală rơndăp broă lơh tờm; să tờm pal geh kơnò uă tus mờ tơl nă cau; sền cồng nha bơcri priă là dùl tàm ală cơng tàng kwơ màng nàng sền khà lơh gơs kơnòl pah nam bơh mpồl lơh broă, cau dùl nă să gơrềng bal dê.

Sền wơl nền bơh broă rơcang lơh, jào priă tus mờ broă wăc sềr broă lơh, pơrlòng ai cau lơh, lơh, sră nggal tơm mờ bơcri priă… gơwèt tus tơl rơndăp broă lơh. Ƀộ Gùng lòt mờ Pơn diang phan, ală ƀộ, gah lơh broă dà lơgar, ală càr, ƀòn dờng tơrgùm lơh ală rơndăp broă lơh kwơ màng dà lơgar dê, tơrbŏ bal tiah pơgồp bal mờ Dơ̆ pơrlòng “500 ngai mang lơh ngan uă, lơh ngan dờng, pơrlòng lơh gơs cồng nha ală rơndăp broă lơh gùng rơndeh ntoăt mhar”.