Tàm dơ̆ tìp, Củ tịc Quôk hội lơgar Hàn Quốc ồng Woo Won-sik đơs nền Quôk hội Hàn Quốc rơ̆p lơh broă bal niam mờ Quôk hội lơgar Việt Nam dong kờl Cíñ phủ 2 lơgar tàm broă lơh jat geh cồng nha mờ mut lơh broă ngan ngồn broă lơh lơh broă lam lơh tơngume bơta gĭt gơ̆p pa mờ sơlơ tơnguh tai lơh broă bal bè lơngăp lơngai lơh sa, tàm tơrbŏ bal mpồl lơh broă.

Bàr gah jờng rơ bơta gĭt gơ̆p đah lơgar Việt Nam mờ Hàn Quốc neh bơtàu tơnguh mhar ngan, ngan ngồn tàm uă gah broă kờp bơh tŭ 2 gah tơnguh gơnoar broă bơta gĭt gơ̆p tus lơh broă bal kwơ màng tơl làm, mờ ală cồng nha niam ngan bè kă bro, bơcri priă, tìp mat lơh kwèng làng bol; ring bal pal sơlơ tơnguh pràn kơl dang rlau tai lơh broă bal đah Quôk hội 2 lơgar dê tàm tơngai tus. Thủ tướng Cíñ phủ ồng Phạm Minh Chính sồr Quôk hội 2 lơgar lơh broă bal niam lam lơh geh cồng nha ală broă lơh lơh broă bal đah 2 gah mờ uă lơgar; kờñ mờ ring bal ală broă dong kờl ală mpồl lơh sa kă bro Việt Nam in tus bal uă rlau tai tàm ală broă lơh gùt plai ù bơh ală mpồl lơh sa kă bro lơgar Hàn Quốc dê.