VOV4.K’ho- Mho ngai 17/06, Thủ tướng Cíñ phủ ồng Phạm Minh Chính đơng lam dơ̆ tìp mat bơh Thường trựk Cíñ phủ mờ kwang đơng lam bồ ală anih lơh broă sră băo di tơngkah kir sơnrai 97 nam Ngai Sră băo Kăc màng Việt Nam ( 21/06).

Anih bơyai lơh dơ̆ tìp mat

Tơnơ̆ tŭ iăt, kơno jơnau đơs bơh kwang đơng lam bồ ală anih lơh broă sră băo dê, đơs tàm dơ̆ tìp mat, Thủ tướng Cíñ phủ ồng Phạm Minh Chính đơs sùm: sră băo là bơta tơrbŏ nàng ai jơnau yal tus mờ làng bol bè broă lơh sa- mpồl bơtiàn bơh dà lơgar dê, cih yal bơta geh ngan tàm mpồl bơtiàn, ală broă lơh ngan uă, sền gŏ ală broă sa kuề, sa kuà, ờ niam, pơhì pơhà, ală broă lơh ờ niam kờñ pal tam gơl. Thủ tướng đơs ngan, ală jơnau yal hơ̆ geh kwơ ngan mờ broă đơng lam bơh Cíñ phủ dê, Cíñ phủ sùm jat sền, iăt, kơno mpồl bơtiàn bơh sră băo dê nàng geh gùng dà bơsong di pal mờ di tŭ. Ala mat Cíñ phủ, Thủ tướng gờm chờ, jờng rơ mờ ưn ngài bơta tă pơgồp bơh sră băo dà lơgar dê, pơgồp bơnah bal mờ Đảng, Dà lơgar lơh geh uă cồng nha dờng màng.

Cau mblàng K’Hạnh