Tàm dơ̆ tìp mat, Thủ tướng Cíñ phủ ồng Phạm Minh Chính đơs nền, Đảng, Dà lơgar, Cíñ phủ, Quốk hội mờ làng bol lơgar Việt Nam ờ tŭ lơi huĭ bơta dong kờl jơh nùs ngan bơh lơgar Cuba dê gơwèt mờ broă lơh tam lơh dong klàs jơi bơtiàn bơh lơgar Việt Nam dê, sùm sền dờng màng, sền gàr mờ jơh nùs lơh ngan lơh jrô ơnàng làm uă rlau tai bơta gĭt gơ̆p bơh yau tam klăc bal mờ lơh broă bal tơl làm đah Việt Nam mờ Cuba, lòt bal dong kờl broă lơh kăc màng dipal ngan bơh làng bol lơgar Cuba dê.

Thủ tướng đơs nền nùs nhơm ờ tŭ lơi tam gơl bơh lơgar Việt Nam dê ờ kờñ mờ sồr sang tĕ ală broă lơh wàng se kơryan dùl nă să is gơwèt mờ lơgar Cuba. 2 gah đơs nền pơnđơl pràn lơh ngan pơgồp bal bơyai lơh niam ală broă lơh tơngkah kir sơnrai 50 nam dơ̆ lòt còp bơh Kwang đơng lam bồ ồng Fidel dê tus tiah tơngklàs tiah đah Jum dà lơgar Việt Nam (nhai 9/1973 - 9/2023), ngan là di dơ̆ lòt còp lơgar Việt Nam bơh Củ tịc Quốk hội lơgar Cuba ồng Esteban Lazo Hernández.