VOV4.K’ho- Drim ngai 07/3, Thủ tướng Cíñ phủ ồng Phạm Minh Chính tìp mat cau ùr đơng lam bồ, atbồ, geh bồ tơngoh bơsram sră mờ cih jơnau đơs crih tamya geh pơn rơ jak di Ngai dunia cau ùr 08/3. Tàm dơ̆ tìp mat, Thủ tướng Cíñ phủ ồng Phạm Minh Chính ala mat kwang đơng lam bồ Đảng, dà lơgar pơyua jơnau nting bơr gờm chờ niam ngan rlau jơh tus cau ùr đơng lam bồ, atbồ, geh bồ tơngoh bơsram sră mờ cih jơnau đơs crih tamya geh pơn rơ jak, cau ùr tàm gùt lơgar di Ngai dunia cau ùr 08/3.

Thủ tướng kung pơyua jơnau kah ưn ngài uă ngan tus ală ùr ƀák sĩ, cau lơh sơnơm mờ ală oh mi cau ùr tàm mpồl lam lài rơcang sơndră kòp Kovid-19; bal mờ oh mi cau ùr tàm ală gah, lơh broă, bơsram, broă lơh ndai. Thủ tướng đơs nền, pal pơn jat tai tơnguh bơta niam broă lơh bơh ală kấp mpồl tam klac cau ùr dê tàm tơngai tŭ do, dong kờl cau ùr bơtàu tơnguh lơh sa, tơnguh bơta chài git wă, tus bal ngai sơlơ uă rlau tai tàm ală broă lơh cíñ trị- mpồl bơtiàn, nàng oh mi cau ùr in tă pơgồp uă rlau tai, geh cồng nha rlau tai tàm broă lơh tam gơl pa, mut gơ rờm bal mờ bơtàu tơnguh dà lơgar.

Cau mblàng K’Duẩn