Tàm dơ̆ tìp mat, Thủ tướng Cíñ phủ ồng Phạm Minh Chính tơngŏ bơta chờ hờp bè ală bơta bơtàu tơnguh kwơ màng tàm bơta gĭt gơ̆p đah 2 gah tàm tơngai pa do, kwơ màng là broă 2 lơgar lơh geh tơngume bơta gĭt gơ̆p Lơh broă bal kwơ màng tơl làm tài ring lơngai, lơh broă bal mờ bơtàu tơnguh kơ̆ kơ jăp di dơ̆ lòt còp Việt Nam pa do bơh Kwang atbồ lơgar Mỹ ồng Joe Biden dê. Thủ tướng sồr tàm tơngai tus, 2 gah sơlơ tơnguh pơgồp bal, gờñ ai tơngume bơta gĭt gơ̆p pa lam mut lơh tàm bơta geh ngan, tàm hơ̆ sền gròi lơh pràn lơh broă bal tàm ală gah bè lơh sa- kă bro- bơcri priă, khoa họk- kông nghệ, rcang sơndră mờ tam gơl trồ tiah... Thủ tướng kung kơ̆p kờñ Quốk hội lơgar Mỹ kờñ broă lơgar Mỹ gờñ dờp kơrnoat boh lam lơh sa drà kă bro ai lơgar Việt Nam in.

 Dùl ngai bal, Thủ tướng Cíñ phủ ồng Phạm Minh Chính neh wă Ƀộ trưởng Thương mại lơgar Mỹ; tìp mat kwang đơng lam bồ Ủy ƀan lơh broă mờ lơgar ndai Thượng viện lơgar Mỹ mờ lơh broă mờ CEO bơh ală mpồl lơh sa kă bro, tập đoàn lam lài bơh lơgar Mỹ dê tàm gah ƀán dẫn.