Đơs tam dơ̆ tìp mat, ala mat kwang đơng lam bồ Đảng, Dà lơgar, Thủ tướng Cíñ phủ ồng Phạm Minh Chính cih dờp, jờng rơ mờ jơh nùs gờm chờ ală cồng nha, tă pơgồp kwơ màng mờ ală kra ƀòn, kwang atbồ ƀòn, cau chài, cau geh bơngă pin dờn tàm gùt lơgar đơs bal mờ ală cau ala mat geh mat tàm dơ̆ tìp mat tŭ do neh lơh geh tàm tơngai pa do.

Thủ tướng đơs sùm, niam chài là ală bơta niam bơnĕ ngan bơta tờm bơh jơi bơtiàn, bơh mpồl bơtiàn mờ bơh tơl nă cau dê. Niam chài geh bơta jơi bơtiàn, jak chài mờ mpồl làng bol. Niam chài pal geh dờp, lơh geh bơta gơn kơnờm, lơh gơ kờñ tài bơh tơl nă làng bol dê. Tàm tơngai tus, Thủ tướng sồr Ƀộ Văn hoá Thể thao mờ Zu lịc mờ ală Ƀộ, ngàñ, anih lơh broă, ală tiah pơn jat tai tơnguh uă bơta gĭt wă, lơh sir gùng dà broă lơh, lơh jat làng bol lơh tờm tàm bơtàu tơnguh niam chài; sền gròi broă lơh bơto bơtê niam chài bơh yau.