Tàm dơ̆ tìp mat, Thủ tướng Cíñ phủ ồng Phạm Minh Chính đơs nền lơgar Việt Nam sùm sền dờng màng mờ kơ̆p kờñ sơlơ tơnguh rlau tai bơta gĭt gơ̆p lơh broă bal jŏ jòng mờ lơgar Indonesia.

Bàr nă Kwang đơng lam bồ dùl nùs bal lơh jat niam rlau tai bơta gĭt gơ̆p lơh bơyô bal bơh yau kơ̆ đềt mềr, lơh geh bơta gơn kơnờm ai bơta gĭt gơ̆p Lơh broă bal jŏ jòng đah lơgar Việt Nam mờ Indonesia bơtàu tơnguh tus gơnoar broă pa; đơs là bơta gĭt gơ̆p bơh 2 lơgar dê cèng bơta kwơ màng, ờ mìng gơwèt mờ 2 lơgar lơm mờ gam tă pơgồp ai ring lơngai, kơ̆ kơl jap mờ bơtàu tơnguh bơh tiah do dê. Thủ tướng Cíñ phủ ồng Phạm Minh Chính đơs nền lơgar Việt Nam rơ̆p pơn jat tai lơh broă bal mờ dong kờl lơgar Indonesia at gơnoar broă geh cồng nha gơnoar broă Củ tịc Asean nam 2023, pơgồp bơnah sơlơ tam klăc bal, dùl nùs bal, nùs nhơm pơnđơl pràn is mờ gơnoar broă tờm bơh Asean dê.