Bàr nă kwang đơng lam bồ đơs nền tàm bơnàng jă ală bơta kwơ màng bơh bơta gĭt gơ̆p lơh bơyô bal bơh yau bơh Củ tịc Hồ Chí Minh mờ Kwang atbồ lơgar Indonesia lài do ồng Soekarno lơh bơnàng jă, 2 lơgar rơ̆p sơlơ tơnguh dơ̆ tìp mat cribơyai kwang bàng kấp dờng mờ ală kấp tàm tơngai tus, lơh geh tềl lời wơl ai kir sơnrai 10 nam gĭt gơ̆p lơh broă bal kwơ màng tàm nam 2023 mờ wèt tus ală broă lơh dờng màng 70 nam gĭt gơ̆p cribơyai broă mờ lơgar ndai mờ 80 nam Sơntờm Dà lơgar bơh 2 lơgar dê tàm nam 2025.

Ring bal jơh nùs lơh jăt niam geh cồng nha ală mpồl broă lơh broă bal đah 2 gah mờ pơgồp bal lam lơh niam ală hiệp địñ, jơnau ring bal neh kĭ, tàm hơ̆ geh broă ai sră nggal neh kĭ bè lơh broă bal dà lềng gờñ geh mut lơh ngan ngồn mờ lam lơh jăt tàm bơta geh ngan, lơh geh bơta gơn kơnờm ai bơta gĭt gơ̆p lơh broă bal kwơ màng bơtàu tơnguh tus gơnoar broă pa, wèt tus Lơh broă bal kwơ màng tơl làm tàm tơngai tus; pơnđơl pràn lơh ngan ai priă lơh geh bơh kă bro đah 2 gah dê lơh geh 15 tơmàn dolar Mỹ tàm nam 2028.