Jờng rơ bơta dờng pràn, tă pơgồp bơh mpồl bơtiàn cau Việt Nam dê tàm lơgar New Zealand, bơt bơtàu ƀòn lơgar, dà lơgar mờ git gơp Việt Nam – New Zealand, Thủ tướng Cíñ phủ sồr mpồl bơtiàn cau Việt Nam tàm New Zealand tam klac bal, jat nùs nhơm “nha ngan glòm nha sèt, nha sèt glòm nha sèt rlau”, “cau lòt lài dong kờl cau lòt tơnơ̆” nàng bal mờ gơp bơtàu tơnguh, bơt bơtàu dùl mpồl bơtiàn tam klac bal bơtàu tơnguh, kơ̆ kơljap, pràn kơldang.

Thủ tướng kơp kờñ làng bol tơnguh nùs nhơm pơn iờ să, lơh ngan brồ guh, mut gơ rờm bal jơh nùs, lơh jat adat boh lam mờ tă pơgồp ai bơtàu tơnguh tàm lơgar he gam ơm kis in, pơn jat tai lơh rbàng tơrbŏ ngai sơlơ kơ̆ kơljap tàm bơta git gơp 2 gah; sền gàr, prap gàr bơta niam chài jơi bơtiàn, dà đơs dà yoan; geh uă broă lơh ngan ngồn rlau tai wèt hờ tơngu rơyas, tă pơgồp tàm broă lơh bơt bơtàu mờ bơtàu tơnguh dà lơgar.