VOV4.K’ho- Ngai 16/10, Thủ tướng Cíñ phủ ồng Phạm Minh Chính neh geh dơ̆ tìp mat mờ Củ tịc, Kwang atbồ dờng ală Ngân hàng kă bro. Thủ tướng jờng rơ uă gah Ngân hàng neh sùm sơndră wơl di tŭ ală bơta kal ke, bơta lòng bơh đah bơdìh lơgar mờ tàm lơgar tàm ală tơngai pa do, lơh jat niam ngan, mơkung lơh dơ̆ lĕ 2 kơnòl broă: Sền gròi broă roh giă priă, kơ̆ kơljap broă lơh sa dờng, mơkung ai priă càn dong kờl rài lơh sa.

Thủ tướng Cíñ phủ ồng Phạm Minh Chính tìp mat Kwang đơng lam bồ ală Ngân hàng kă bro

Tơngai tus, Thủ tướng sồr ală Ngân hàng kă bro lơh jat adat boh lam, sơlơ tơnguh bơta pràn atbồ, đơng lam, bơta pràn priă jền, gàr niam lơngap lơngai lơh broă; Tơrgùm tơnguh uă bơta niam, cồng nha drơng broă, bơta niam ai càn priă, pal loh làng, song dơ pă; Bơtàu tơnguh broă lơh, tơnguh uă cồng nha tàm pà khà priă ai càn; Pơn jat tai tơnguh uă kơnòl mpồl bơtiàn, lơh ngan tus bal tơn jơh jơgloh, tơrmù rƀah, kis gĭt jơnau gĭt adat tài mpồl bơtiàn.

 VOV/ K’Hạnh mblàng