VOV4.K’ho- Mho ngai 27/05, Thủ tướng Cíñ phủ ồng Phạm Minh Chính neh wă ồng Patrick Gelsinger, Kwang atbồ đơng lam Tập đoàn Intel tàm Hìu lơh broă Cíñ phủ.

Thủ tướng Cíñ phủ ồng Phạm Minh Chính jờng rơ Tập đoàn Intel ngai sơlơ bơtàu tơnguh pràn kơl dang mờ neh sền gròi, bơcri priă tàm Việt Nam tàm rlau 15 nam do, ai kông ty crăp mờ sền sơwì bơta di pal bơh Intel dê tàm Tiah Kông nghệ kao ƀòn dờng Hồ Chí Minh mut lơh broă bơh nam 2010. Do là rơndap broă lơh bơcri priă kông nghệ kao dờng ngan rlau jơh lơgar Mỹ dê tàm Việt Nam, neh tă pơgồp ai rài lơh sa tàm tiah ƀòn dờng đơs is mờ Việt Nam đơs bal, lơh geh broă lơh tơn mờ lơh geh broă lơh ai gĭt nđờ rơbô nă cau in.Thủ tướng sồr Intel pơn jat tai sơlơ bơcri priă tàm Việt Nam tàm tơngai pa, geh cồng nha rlau tai, ngan ngồn rlau tai, di pal mờ gùng dà broă lơh bơh Cíñ phủ dê tàm broă gơ hòi gơ jà bơcri priă kông nghệ kao, kông nghệ sàng goh, tă pơgồp tàm broă lơh tam gơl sồ.

Cau mblàng K’Hạnh