Tàm dơ̆ tìp mat, Thủ tướng Phạm Minh Chính mờ Phó Kwang atbồ lơgar Mỹ mò Kamala Harris ai tơnggŏ bơta niam nùs bè ală bơta bơtàu tơnguh pràn kơldang bơh bơta git gơp lơgar lơh broă bal tơl làm Việt Nam mờ Mỹ, wèt tus tơnguh bơta git gơp tàm tơngai tus, ngan là tàm ală gah lơh sa- kă bro, bơcri priă, khoa họk- kông nghệ, tam gơl pa, bơceh lơh, bơto bơtê mờ bơsram, tìp mat lơh kwèng làng bol mờ bơsong jơnau gơ lời wơl bơh rài tam lơh.

Thủ tướng jờng rơ ală bơta tă pơgồp bơh mò Kamala Harris dê ai bơta git gơp 2 lơgar in, ngan là broă dong kờl làng bol Việt Nam in sơnơm vaccine rơcang sơndră kòp Kovid-19 mờ kơp kờñ geh tìp wơl mò tàm tơngai tus nàng lơh jat ngan ngồn ală jơnau ring bal kâp dờng nàng kờñ sơlơ tơnguh bơta git gơp geh cồng nha mờ ngan ngồn. Thủ tướng pà git, Việt Nam gam pơgồp bal mờ Mỹ nàng rơcang wă Kwang atbồ lơgar Mỹ ồng Joe Biden dùl bă yŭ rơyùm, wil tơl tàm dơ̆ lòt còp mờr tus.