Thủ tướng ồng Phạm Minh Chính đơs sùm Đảng, Dà lơgar mờ làng bol lơgar Việt Nam sùm sền kwơ mờ ai lài uă ngan gơwèt mờ bơta git gơ̆p lơh bơyô bal, tam klăc bal kwơ màng mờ lơh broă bal tơl ală bơta đah lơgar Việt Nam mờ lơgar Lào, sền do là phan bơna kwơ màng, jơnau pal geh, ai lài ngan, rơwah lài ngan mờ là bơta kis geh gơwèt mờ broă kăc màng bơh bàr lơgar dê, pal prăp gàr ai ală rơnàng tơnơ̆ do in.

Bàr kwang đơng lam bồ ring bal tàm tơngai tus, bàr gah pal tơrgùm lơh geh cồng nha ală jơnau hơ bal, jơnau ring bal lơh broă bal đah bàr lơgar dê, tàm hơ̆ uă ngan là cồng nha bơh dơ̆ tìp đah bàr Ƀộ Cíñ trị lơgar Việt Nam mờ lơgar Lào pa do tàm Hà Nội, tơnguh rơlao tai broă tơrbŏ bal bàr gah lơh sa đah lơgar Việt Nam mờ lơgar Lào mờ đah pe gah lơh sa Việt Nam – Lào –Campuchia; pơn jăt tai sùm tam gơl bal broă lơh mờng chài, jơnau yal tơngit, pơgồp bal nền nòn mờ kờñ bal tàm ală pơrjum uă lơgar mờ tiah do.