Ala mat Cíñ phủ, Thủ tướng nting bơr gờm chờ Mpồl coh plai cau ùr neh dơ̆ sơn rờp pơrlòng tàm Ngai chờ dờng ngan rlau jơh bơh Coh plai cau ùr dunia dê mờ nùs nhơm tài dà lơgar, gàr kơ̆ nùs nhơm, bồ tơngoh, pơn đơl pràn, tam klac bal, ai tơnggŏ bơta kơp kơnờm, bơta lơh ngan uă ngan bè mờng chài nàng sơrlèt gan să tờm he dê; bal mờ hơ̆, gam gàr kơ̆ nùs nhơm bơsram, đòm jat, ờ tŭ lơi sang tĕ.

Đơs tàm do, Thủ tướng đơs nền, bơta kờñ gơboh gơ wèt mờ coh plai bơh cau Việt Nam he dê là dờng ngan, ngai sơlơ dờng rlau tài nùs nhơm, bồ tơngoh, bơta chài tàm pơrlòng bơh ală cau coh plai dê. Thủ tướng kơp kờñ, tàm ală dơ̆ pơrlòng mờr tus, ală cau ùr kuơmàng do sơlơ kal ke, sơlơ gơtìp bơta lòng den pal sơlơ tam klac bal, tơnguh jơnhua nùs nhơm tam klac, lơh jat kơrnuat, lơh jat bơta chài coh plai geh ai tơlik bơh cau pơlam tàp tờm, mpồl pơlam tàp dê, mpồl coh plai ùr rơp lơh geh ală cồng nha dipal rlau tai tàm tơnơ̆ do.