Thủ tướng Cíñ phủ ồng Phạm Minh Chính đơs nền Việt Nam rcang bơsong ală tam pìt tam phà dunia mờ ală lơgar lơh broă bal lơgar ndai tàm ală anih lơh broă lơh kòn gùng, tơrña bơyai mờ trọng tài dunia di pal mờ adat boh lam dunia mờ gàr niam bơnĕ bơnài bơta kwơ bơh ală gah dê.

Thủ tướng sồr PCA bơh Cơldŭ lơh broă ala mat tàm Hà Nội geh lơh ngan dong kờl, bơto pơlam ai Việt Nam in bè bơta mờng chài tơm bơh bơr mờ ală broă bè kơnhoàl ù tiah, lơh sa, kă bro... mơkung sồr PCA ai ală bơta dờp làng bol Việt Nam mŭt lơh broă tàm PCA. Tổng Thư ký ồng Marcin Czepelak ưn ngài Thủ tướng mờ Cíñ phủ Việt Nam sền gròi, lời bơta pràn dong kờl PCA pờ Cơldŭ lơh broă tàm Hà Nội. Tổng Thư kĭ đơs nền geh pơgồp bal niam mờ ală Ƀộ, ngàñ geh gơrềng, lam lơh uă broă lơh bơto bơtê, tơnguh uă bơta jak chài, sac rơwah kwang bàng jak chài Việt Nam ai broă lơh bơh Cơldŭ lơh broă PCA tàm Việt Nam.