Đơs tàm dơ̆ tìp mờ cau tĕ khà, Thủ tướng Cíñ phủ ồng Phạm Minh Chính neh yal tus mờ cau tĕ khà ală bơta lơh sa mpồl bơtiàn tàm lơgar mờ dunia, ală bơta kal ke, bơta lòng gơrềng bal mờ lơh ờ niam tus rài kis làng bol. Thủ tướng đơs tờm ală jơnau lùp, jơnau dan bơh cau tĕ khà là di pal ngan, pal geh bơsong tàm tơngai tus.

Thủ tướng neh đơs tus 12 bơta tơrgùm bal bè tơnguh bơtàu lơh sa mpồl bơtiàn mờ bơsong kal ke lơh pràn lơh sa kă bro gơwèt ală mpồl broă ală cau tĕ khà sền gròi, tàm hơ̆ đơs uă ngan tus mờ bơta kal ke pal geh bơsong, bơta lòng pal geh sơrlèt, lơh jăt nền nòn jơnau kờñ kơl jăp lơh sa dờng, sền gròi priă kă bro gơguh kas ir, lơh pràn broă gơguh lơh sa, gàr niam bơta ndrờm bal dờng; Kơl jăp cíñ trị; pờ ơnàng broă tơrgùm bal, lơh broă bal dunia. Kung tàm dơ̆ tìp mờ cau tĕ khà, Thủ tướng ồng Phạm Minh Chính bal mờ mpồl kwang bàng ala măt Quốk hội ƀòn dờng Cần Thơ neh jào phan, pơn dờn 300 nă cau đoàn viên kông đoàn bal mờ kông ñân lơh broă geh rài kis gơtìp kal ke.