Lòt Pơrjum Kwang bàng Kâp dờng Tơngkah kir sơnrai 45 nam gĭt gơ̆p Mpồl tam klăc ală dà lơgar tiah đah jum mat tơngai lik câu Á (Asean) mờ Mpồl Tam klăc câu Âu (EU) mờ lòt còp ngan ngồn lơgar Đại Kông quôk Luxembourg, lơgar Bỉ, Hà Lan, dong tơnguh tai bơta pin dờn cín trị, lơh pràn tơl làm gĭt gơ̆p lơh broă bal đah Việt Nam mờ 3 lơgar tàm tŭ tơngai bơtàu tơnguh pa ngai sơlơ gơlòt mŭt ngan ngồn tàm broă lơh, geh ngan, drơng ală bơta kwơ lơngăp lơngai mờ bơtàu tơnguh bơh lơgar Việt Nam dê mờ tă pơgồp ai ring lơngai, kơ̆ kơl jăp, lơh broă bal mờ bơtàu tơnguh tàm kơnhoàl ù tiah do mờ tàm dunia. Pơrjum Kwang bàng Kâp dờng tơngkah kir sơnrai 45 nam gĭt gơ̆p Asean mờ EU geh bơta kwơ dờng màng ngan, là tŭ niam nàng ală kwang đơng lam bồ 2 gah dê geh ală pơlam gùng dà kwơmàng nàng kờñ bơtàu tơnguh pràn kơldang rlau tai gĭt gơ̆p đah Asean mờ EU tàm tơngai tus.