Bal mờ ală nùs nhơm đềt mềr kờñ gơboh ngan rlau jơh, bơta tam pà bal, wă wờng bal uă ngan rlau jơh, Thủ tướng đềt mềr kờñ gơboh ngan rlau jơh pơyua tus jơh ală ƀak sĩ, cau lơh broă tàm Viện Kơlôi sơnơng mhàm mờ Ai pà mhàm Dà lơgar, ală mè bèp ală oh dềt dê mờ kwơmàng là jơh ală sau jơnau còp să đềt mềr jơh nùs ngan mờ jơnau nting bơr kơ̆p kờñ niam bơnĕ ngan rlau jơh di dơ̆ Sa tềp Trung thu nam 2023. Nting bơr mờ kơ̆p kờñ ală sau sùm pràn kơldang, chờ hờp chờ hờn; kơ̆p kờñ ală cau lơh sơnơm, ală ƀak sĩ, sền gàr ală oh dềt gơtìp kòp bè oh kòn kòn sau tờm he dê sơl.

Tơngai tus, Thủ tướng kơ̆p kờñ ală sau là kơnòm pa tàu, kơnòm dềt pal sùm kơ̆ nùs, pin dờn sơm kòp jê, pơđơl pràn lơh ngan sơrlèt gan kal ke, kòp jê, wèt tus dùl rài tơnơ̆ do niam bơnĕ. Ală ƀak sĩ, hìu bơnhă mờ mpồl bơtiàn rơ̆p sùm ơm rềp bal, kờñ gơboh, jơm glòm, dong kờl ală sau. Thủ tướng kơ̆p kờñ ală sau mờ cau hìu bơnhă pin dờn, kơ̆ nùs rơ̆p geh sơm bời niam tàm do.