Đơs tàm broă lơh, Thủ tướng ồng Phạm Minh Chính jờng rơ ală bơta pơn đơl pràn lơh ngan, bơta jơh nùs lơh ngan mờ cồng nha lơh geh bơh gah Ngân hàng mờ ală mpồl ai càn priă dê; bơta pơgồp bal niam mờ ală ƀộ, ngàñ, ală tiah; bơta dùl nùs bal, dong kờl, tus bal jơh nùs bơh làng bol, mpồl lơh sa kă bro, bơta tă pơgồp bal tàm broă tam gơl sồ Dà lơgar.

Bè kơnòl broă, broă lơh tờm tàm tơngai tus, Thủ tướng sồr kwang đơng lam bồ Ngân hàng Dà lơgar mờ jơh gùt ală anih lơh broă ai càn priă pal jơh nùs lơh ngan uă rlau jơh, kràñ cê jơh nùs rlau tai tàm lam lơh tam gơl sồ gah Ngân hàng, pơgồp bal mờ tam gơl sồ Dà lơgar dùl bă kơ̆ kơl jap mờ geh cồng nha. Thủ tướng sồr gah Ngân hàng lơh jat nền, lam lơh geh cồng nha ală kơnòl broă, broă lơh tàm broă lơh kwơ màng tam gơl sồ Dà lơgar, Broă lơh kwơ màng bơtàu tơnguh gah Ngân hàng.