Đơs tàm cribơyai, Thủ tướng Cíñ phủ ồng Phạm Minh Chính ai lơh ngoh rơngac ngan tềng đap bơta jơh nùs, bơta pin dờn, bơta niam chài tơm boh bơr ai tơnggŏ bơta ki ngàm, tàm dong kờl bal mờ gơp đah làng bol 2 lơgar, mờ kung đơs là, bơta git gơp đah Việt Nam mờ Hàn Quôk ờ hềt tŭ lơi niam bè tŭ do.

Bè lơh broă bal cau lơh broă, Thủ tướng pà git, tơnơ̆ rlau 30 nam lơh broă bal, geh tŭ geh kal ke mờ tam gơl pràn, mơya ai gŏ bơta geh mat bơh cau lơh broă lơgar Việt Nam dê tàm lơgar Hàn Quôk là pal geh ngan, cau lơh broă lơgar Việt Nam niam nùs tŭ lơh broă tàm lơgar Hàn Quôk. Thủ tướng ồng Phạm Minh Chính pin dờn, mờ bơta lơh ngan uă, bơta pơn đơl pràn dờng ngan bơh jơh bal 2 gah dê, bơh bơnàng jă Bơta git gơp lơh broă bal jŏ jòng tơl làm đah Việt Nam mờ Hàn Quôk, lơh broă bal lơh sa, cau lơh broă rơp pơn jat tai là gah tờm kuơmàng tàm bơta git gơp đah 2 lơgar, mờ kung là bơta gơn kơnờm nàng ai bơta git gơp đah 2 lơgar brồ guh tus bơta pa tài bơta bơtàu tơnguh bal.