Tàm 30 nam do, bơta git gơp đah Việt Nam mờ ADB ngai sơlơ geh lơh kơ̆ kơljap, bơtàu tơnguh; kuơmàng là bơta dong kờl di tŭ, ngan ngồn bơh ADB dê lời ai Việt Nam in tàm broă rơcang sơndră kòp Kovid-19, chồl pràn bơtàu tơnguh wơl mờ bơtàu tơnguh lơh sa- mpồl bơtiàn. Thủ tướng ồng Phạm Minh Chính đơs nền, Cíñ phủ Việt Nam sùm sền ADB là dùl tàm ală mpồl lơh broă bal bơtàu tơnguh kuơmàng, đềt mềr, pin dờn; pà git, tơnơ̆ rlau 35 nam tam gơl pa, Việt Nam ờ hềt tŭ lơi geh bơta ƀuơn, bơta pràn, gơnoar broă mờ bơngă pin dờn dunia bè tŭ do. Tàm cồng nha bơh lơgar Việt Nam dê geh bơta lơh broă bal, dong kờl geh cồng nha bơh ADB dê. Đơs là, tơnơ̆ 30 nam bơta git gơp lơh broă bal đah Việt Nam mờ ADB ngai sơlơ dờng pràn rlau bè tơl gah, Thủ tướng sồr tàm tŭ tơngai pa, lơh broă bal đah Việt Nam mờ ADB pal geh bơta tam gơl pa, tơrgùm ai bơcri priă bơtàu tơnguh, geh bơta tờm rlau; mpồl lơh broă, sră nggal pal tam gơl rlau; mờ bồ tơngoh kơlôi sơnơng, broă lơh pa rlau nàng cèng wơl cồng nha niam rlau.