Đơs tàm dơ̆ bơyai lơh tơngkah kir sơnrai, bal mờ broă lơh jăt ală jơnau kờñ tềng đăp măt, Thủ tướng Cíñ phủ ồng Phạm Minh Chính sồr, Vietcombank pal gĭt nền loh làng jơnau kờñ, pơlam gùng dà broă lơh rơndăp lơh mờ ală kơnòl broă, broă lơh bơtàu tơnguh di mơ mờ jŏ tơngai dipal mờ Broă rơndăp lơh bơtàu tơnguh Gah Ngân hàng tus nam 2045, pơlam gùng broă rơndăp lơh tus nam 2030 mờ gùng dà bơtàu tơnguh bal bơh ală ngân hàng tàm tiah do dê mờ tàm dunia dê, ngan là broă tơnguh uă bơta pràn jak ătbồ, priă jền, cồng nha lơh sa kă bro, tam gơl sồ mờ tam gơl pa măy mok ngân hàng. Thủ tướng kơ̆p kờñ mờ pin dờn là, Vietcombank rơ̆p pơn jăt tai đòm jăt bơhiàn niam bơnĕ mờ ală cồng nha neh lơh geh, lơh ngan sơrlèt gan kal ke, bơta lòng; pơn jăt tai tam gơl pa jơh, tơnguh uă cồng nha lơh broă, pràn jak tàm pơrlòng, gàr sùm mờ lơh kơ̆ kơl jăp bơngă pin dờn là Ngân hàng khà 1 tàm Việt Nam mờ rơhời kơ̆ kơl jăp rề ơnàng bơtàu tơnguh ndrờm pal tàm tiah do mờ tàm dunia.