VOV4.K’ho- Mho ngai 13/10, Thủ tướng Cíñ phủ ồng Phạm Minh Chính tus bal dơ̆ tơlik măt Gah sơñio rùp dà lơgar tiah ring đah jum mat tơngai mŭt dà lơgar- VTV Cần Thơ. Broă lơh gah sơñio rùp dà lơgar VTV Cần Thơ wèt tus ù tiah tiah ring đah jum mat tơngai mŭt dà lơgar dê bal mờ jơnau kờñ sơlơ tơnguh tai broă lơh yal tơngĭt jơnau, mblàng yal, lơh jăt kơnòl broă cíñ trị bơh Anih sơñio rùp Việt Nam dê tàm ù tiah do; lơh geh anih tàm tìp geh kwơ ngan đah Cíñ phủ mờ ală kâp gơnoar ătbồ tiah do mờ làng bol tàm do nàng lơh gơ rề, lơh gơlik bơta gơdan, lơh gơlik bơta gơn kơnờm pơgồp bơnah bơ̆t bơtàu rài kis mpồl bơtiàn niam bơnĕ.

Đơs tàm dơ̆ bơyai lơh, Thủ tướng pin dờn mờ đơs là, mờ bơta sền sơnơng ngac ngar, bơta jơh nùs lơh ngan, bơta mờng chài tàm broă lơh mờ bơta lơh bal kràñ cê jơh nùs bơh jơh ală kwang bàng, viên cưk mờ cau lơh broă tàm Anih Sơñio rùp Việt Nam dê, bơta dùl nùs bal bơh ală kâp, ală ngàñ, ală tiah mờ làng bol dê, gah sơñio rùp VTV Cần Thơ rơ̆p geh bơta bơtàu tơnguh sơrbac mhar mờ kơ̆ kơl jăp; geh bơta pờ tơlik tơl làm, geh bơta jrô tàm ƀòn lơgar tiah ring dà dờng Cửu Long mờ tàm gùt lơgar, pơn jăt tai lơh sir jak ngan kơnòl broă cíñ trị geh Đảng, Dà lơgar mờ làng bol jàu.

Cau cih VOV Tây Nguyên- Cau mblàng Lơ Mu K’Yến