Đơs sùm, broă lơh bơt bơtàu sền gàr Dà lơgar, sền gàr kơ̆ kơl jăp Dà lơgar là kơnòl broă cíñ trị tờm ngan, dờng màng ngan, pơn rơ ngan bơh Mpồl ling klàng he dê, geh Đảng, Wa Hồ mờ làng bol dê jàu; gam ai tơlik ală jơnau sồr pa ngan, kơn jơ̆ kơn jŭt ngan mờ kung pơn rơ ngan sơl tàm tơngai pa.

 Thủ tướng Cíñ phủ ồng Phạm Minh Chính đơs nền, Đảng, Dà lơgar pin dờn mờ kơ̆p kờñ kwang bàng, cau ling gùt ling klàng pơn jat tai đòm jat niam nùs nhơm kăc màng, bơhiàn dờng màng bơh Mpồl ling klàng làng bol Việt Nam khin cha jak chài dê; tam klăc bal, tam gơl pa, geh kơnòl, jơh nùs lơh ngan uă, lơh sir jak ngan tơl kơnòl broă geh jàu, di pal mờ mat sơnđan “Cau ling Wa Hồ dê”; di pal mờ jơnau bơto sồr bơh Wa Hồ dê: “Kơnòl broă lơi kung lơh sir, kal ke lơi kung sơr lèt gan, bol sò tơm lơi kung tam lơh pha lin’; di pal mờ bơta pin dờn, kờñ gơboh bơh Đảng, Dà lơgar mờ làng bol dê.