VOV4.K’ho- Dờp jơnau jà bơh Thủ tướng lơgar Nhờk ồng Kishida Fumio, Thủ tướng Cíñ phủ ồng Phạm Minh Chính neh tus mờ đơs tơn tàm internet tàm Pơrjum Kwang bàng kấp dờng dơ̆ 4 tiah câu Á- Thái Bình Dương bè dà ia.

Đơs tàm dơ̆ pơrjum, ồng Phạm Minh Chính đơs sùm ală bơta gơ rềng bal ờ hềt tŭ lơi geh bơh ală bơta lòng dê gơ cèng bal bơta gùt plai ù bè kòp dờng Kovid-19, trồ tiah lơh aniai, tam gơl trồ tiah, tơnhào uă ir ală khà phan kwơ tàm ù, tàm hơ̆ geh dà ia, neh mờ gam gơ lời wơl ală bơta gơ jat bal dờng ngan mờ uă gah ai rơnàng kòn sau ngai do mờ tơnơ̆ do in, sồr pal geh broă lơh mờ broă lơh bal gùt plai ù. Thủ tướng Cíñ phủ đơs nền, tàm tơngai pa do, Việt Nam sùm lơh ngan tus bal mờ tă pơgồp tàm bơta lơh ngan bal tàm jơh ală broă lơh broă bal dunia dê, ngan là mờ ală lơgar geh bal hiòng dà mờ lơgar Việt Nam bè Lào, Campuchia, Lo mờ ală lơgar lơh broă bal dunia ndai nàng atbồ, bơtàu tơnguh, sền gàr mờ ngui kơ̆ kơljap mờ geh cồng nha, geh bơta kwơ bal dà ia bơh ală hiòng dà dờng dê.

Cau mblàng K’ Hạnh