Pơrjum cribơyai là tŭ tơngai niam nàng kwang bàng kông đoàn, đoàn viên, kông cứk, viên cứk, cau lơh phan, cau lơh broă in lơh jat niam gơnoar broă mờ kơnòl bơh he dê tàm broă geh jơnau đơs, jơnau dan ală broă lơh sơlơ tơnguh cồng nha lơh broă Dà lơgar, pơgồp bơnah bơtàu tơnguh Dà lơgar sơlơ bơtàu tơnguh, kis chờ hờp.

Tơnơ̆ tŭ iăt ală jơnau đơs tă pơgồp bal Thủ tướng ồng Phạm Minh Chính neh tìp mat lơh kwèng mờ ală oh mi cau lơh phan, cau lơh broă, kwang bàng Kông đoàn. Thủ tướng sồr jơh ală oh mi cau lơh phan, cau lơh broă lơh jat niam rlau tai gơnoar bơh cau lơh broă- cau tờm tus bal tơn tàm broă lơh gơlik phan, lơh gơlik geh ală phan bơna mờ nùs nhơm ai mpồl bơtiàn in. Sùm bơsram tai, bơsram is nàng tơnguh uă bơta gĭt wă, bơta chài lơh broă, mờng chài lơh broă, bơta gơ dờp bal; tơnguh uă nùs nhơm geh kơnòl, ngăc ngar bơceh lơh, tơnguh uă cồng nha lơh broă, geh bơta niam mờ gơtùi lơh broă.