Thủ tướng Cíñ phủ ồng Phạm Minh Chính đơs nền: Đảng, Dà lơgar, Cíñ phủ sùm sền gròi ngan, ai lơh jăt mờ lam lơh geh cồng nha uă gùng dà, broă lơh dong kờl, lời uă bơta pràn nàng bơ̆t bơtàu mờ bơtàu tơnguh niam chài, prăp gàr niam chài jơi bơtiàn, bơtàu tơnguh cih jơnau tàm sră pơ àr bơta chài mờ uă gah broă niam chài ndai.

Ala măt kwang bàng đơng lam bồ Đảng mờ Dà lơgar, Thủ tướng ki ngàm ală tă pơgồp dà kơlhề mờ broă lơh bơh mpồl ală cau lơh broă lơh niam chài dê tàm gùt lơgar; jơh nùs chờ hờp jờng rơ 78 nă cau pơnrơ gơguh jak ngai do mờ cih dờp, jờng rơ ală broă lơh ngan mờ cồng nha lơh geh bơh gah Niam chài dê tàm tơngai lài. Thủ tướng kơ̆p kờñ mờ dòn kơnờm, là ală cau ala măt là cau pơnrơ gơguh jak ngai do rơ̆p lơh jăt niam nùs nhơm geh kơnòl bơh he dê, pơn jăt tai lơh gơlik bơta gơ dan, là bơta gơn kơnờm, lơh gơrề pràn kơldang, nàng tơnơ̆ Pơrjum do, rơ̆p geh tai uă krơh niam, uă broă lơh jak, pơgồp bơnah tàm broă lơh jăt ală kơnòl broă bơh gah niam chài dê đơs is, tài broă lơh bơtàu tơnguh niam chài dê đơs bal.