Tàm càr lơgar Brussels, lơgar Bỉ, Thủ tướng Cíñ phủ ồng Phạm Minh Chính neh tus mờ đơs tàm Pơrjum kwang bàng kấp dờng lơh sa kă bro Asean mờ EU bơdìh pơrjum kwang bàng kấp dờng tơngkah kir sơn rai Asean mờ EU mờ tơngume “Sơlơ tơnguh kă bro Asean mờ EU: bơtàu tơnguh kơ̆ kơljap ai jơh tơl nă cau in”.

Đơs tàm dơ̆ pơrjum, Thủ tướng Cíñ phủ ồng Phạm Minh Chính đơs 5 jơnau sồr kwơ màng tàm hơ̆ đơs sùm kờñ pal sơlơ tơnguh tam klăc bal dunia, jờng rơ củ nghĩa uă lơgar, lơh broă bal niam, geh cồng rlau tai đah ală lơgar. Thủ tướng đơs sùm, bơta gĭt gơ̆p kă bro đah EU mờ Asean ngai sơlơ bơtàu tơnguh tơl làm bè uă broă, bơnah broă mờ tơngume den ală lơgar pal lơh sir rlau sră nggal gơrềng tus adat boh lam, lơh geh bơnàng jă, ală bơta niam ngan rlau jơh nàng ală mpồl lơh sa kă bro in pơn jat tai bơtàu tơnguh bơta pràn jak, bơceh pa, geh kơnòl, tàm tơrbŏ bal pràn kơldang rlau tai, lơh niam ală cồng nha neh lơh geh. Thủ tướng đơs nền Việt Nam lơh jat ờ tŭ lơi tam gơl gùng dà broă lơh lơh broă mờ lơgar ndai lơh is, rcang is, lơh bơyô mờ uă lơgar, lơh uă bơta gĭt gơ̆p lơh broă bal mờ lơgar ndai, tài bơta ring lơngai, gĭt gơ̆p lơh bơyô, lơh broă bal mờ bơtàu tơnguh.