Tàm 45 nam do, git gơp đah ASEAN mờ EU bơtàu tơnguh niam ngan, lơh geh uă cồng nha niam. Nam 2021, ASEAN là mpồl lơh broă bal kă bro bơdìh câu Âu dờng dơ̆ 3 bơh EU dê tàm tŭ EU Là mpồl lơh broă bal kă bro dờng dơ̆ 3 bơh ASEAN dê mờ kờp jơh priă lơh geh bơh kă bro đah 2 gah geh 268 tơmàn 900 tơlak dolar Mỹ, bal mờ hơ̆ EU là mpồl bơcri priă tơn bơh lơgar ndai dờng dơ̆ 2 bơh ASEAN dê mờ kờp jơh priă bơcri geh 26 tơmàn 500 tơlak dolar Mỹ. Wèt tus rơnàng tơnơ̆ do, 2 gah ring bal pal lơh niam rlau tai git gơp lơh broă bal kuơmàng geh lơh tàm nam 2020 jat bơnàng jă ki ngàm adat boh lam dunia, lơh broă bal ring bal mờ geh kuơ bal, sơlơ chồl pràn bơtàu tơnguh wơl, bơtàu tơnguh tơlir mờ kơ̆ kơljap.

Thủ tướng Phạm Minh Chính đơs niam bơta kuơmàng bơh Pơrjum kwang bàng kâp dờng tơngkah kir sơnrai dơ̆ do dê, lơh tềl 45 nam git gơp đah 2 mpồl kơnhoàl ù tiah geh cồng nha tàm dunia. Thủ tướng đơs nền, ală cồng nha lơh broă bal neh lơh gơlik bơnàng jă mờ gam sơlơ tơnguh rlau tai bơta pràn chul chồl bơtàu tơnguh.