VOV4.K’ho- Mho ngai 12/10 neh bơyai lơh Pơrjum Kwang bàng kấp dờng ùr Kwang đơng lam bồ ASEAN dơ̆ 2 mờ bơta tus bal bơh ală kwang dơng lam bồ ală lơgar ASEAN mờ ala mat ùr K dê. Do là broă lơh pơn jat tai tơnơ̆ Pơrjum Kwang bàng kấp dờng ùr Kwang đơng lam bồ ASEAN dơ̆ sơn rờp geh bơyai lơh tàm nam 2020 bơh lơgar Việt Nam, Củ tịc ASEAN tŭ hơ̆ dê đơng lam. Pơrjum nàng kờñ jơnau kờñ lơh geh dơ̆ cribơyai tàm kấp dờng ngan rlau jơh bè ring bal ùr klau mờ sơlơ tơnguh gơnoar ai cau ùr in, bơh hơ̆ ơn cau ùr tàm gùl bơh ală bơta lơh ngan lơh broă bal mờ bơt bơtàu Mpồl bơtiàn ASEAN dê.

Thủ tướng Cíñ phủ ồng Phạm Minh Chính tus bal Pơrjum kwang bàng kấp dờng ùr Kwang đơng lam bồ ASEAN dơ̆ 2

Thủ tướng Campuchia ồng Hunsen, Thủ tướng Cíñ phủ ồng Phạm Minh Chính bal mờ uă kwang đơng lam bồ jờng rơ uă ngan cồng nha bơh broă bơceh lơh, sền hơ̆ là tềl tơngŏ kwơ màng tơngŏ bơta sền dờng màng gơwèt mờ bơta kwơ mờ gơnoar tờm bơh cau ùr dê tàm broă bơtàu tơnguh lơh sa- mpồl bơtiàn tàm tiah do mờ jơnau hơ uă ngan bơh ASEAN dê tàm broă sơlơ tơnguh ring bal ùr klau mờ tàm bơrlŭ bal ùr klau. Đơs tàm dơ̆ pơrjum, Thủ tướng Cíñ phủ ồng Phạm Minh Chính đơs ngan gơnoar mờ bơta tă pơgồp kwơ màng bơh ală cau lơh sa kă bro là cau ùr dê tàm broă bơtàu tơnguh wơl mờ bơtàu tơnguh lơh sa Việt Nam mờ tàm tiah do dê. Thủ tướng kung đơs sùm jơnau hơ bơh Việt Nam dê tàm broă lơh broă bal mờ ală lơgar ASEAN nàng sơlơ tơnguh rlau tai ring bal ùr klau mờ sơlơ tơnguh gơnoar ai cau ùr  in, tă pơgồp tàm dùl rài tơnơ̆ do ngai sơlơ kơ̆ kơljap, tơr gùm bal mờ pơnđơl pràn is bơh tiah do dê mờ tàm dunia dê.

 VOV Tây Nguyên – Cau mblàng K’Hạnh