Drim ngai 05/04, tàm càr lơgar Vientiane, lơgar Lào, Pơrjum Kwang bàng kấp dờng dơ̆ 4 Ủy hội dà dờng Mekong dunia neh geh bơyai lơh mờ tơngume “Tam gơl pa mờ lơh broă bal nàng gàr niam dà mờ bơta bơtàu tơnguh kơ̆ kơljap tiah dà dờng Mekong”.

Tus bal tàm pơrjum geh Thủ tướng Cíñ phủ ală lơgar: Việt Nam, Lào, Campuchia, Tổng Thư ký Cơldŭ lơh broă phan kwơ tàm Dà lơgar Thái Lan dê bal mờ kwang đơng lam bồ mờ ala mat ală lơgar lơh broă bal, cribơyai bal, lơh broă bal bơtàu tơnguh, ală mpồl dunia, tàm tiah do, ală mpồl mpồl bơtiàn mờ ală mpồl bơtiàn. Thủ tướng Cíñ phủ lơgar Việt Nam ồng Phạm Minh Chính neh geh jơnau đơs kwơ màng tàm dơ̆ pơrjum. Thủ tướng Cíñ phủ lơgar he tơngŏ bơta kơlôi rcang ngòt tài bơh tàm tiah dà dờng gam ơm tềng đap ală bơta lòng ờ hềt tŭ lơi geh tài gơrềng tàm bơrlŭ bal bơh tam gơl trồ tiah, bơta kơn jơ̆ bơh jơnau sồr bơtàu tơnguh lơh sa mờ bơta gơguh ngui dà sơr băc mhar; đơs sùm, sồr pal tam gơl pa kơlôi sơnơng lơh broă bal mờ geh ală broă lơh bơtàu tơnguh hơ̆ sồng gơtùi lơh geh ală jơnau kờñ jal mhar geh ai tơlik tŭ do, mơkung đơs bàr pe jơnau đơs bè pơlam gùng dà lơh broă bal bơh Ủy hội dê tàm tơngai tus. Bal mờ hơ̆ Thủ tướng sồr, sơlơ bơtàu tơnguh lơh sa tơlir, lơh sa tàm pơdar, bơtàu tơnguh ală năng lượng lơh gơlik wơl, pơgồp bơnah bơtàu tơnguh kơ̆ kơljap.