Ủy hội dà dờng Mekong dunia (Ủy hội) geh 04 lơgar tàm mpồl là ală lơgar Campuchia, Lào, Thái Lan mờ Việt Nam; là broă lơh lơh broă bal Mekong jŏ rài ngan rlau jơh mờ là broă lơh mìng dùl lơm ngan lơh broă jat tàm dùl Hiệp địñ dunia nàng lơh geh tơngume lơh broă bal bơtàu tơnguh kơ̆ kơljap, ngui, sền gàr dà mờ ală phan kwơ tàm ù geh gơrềng bơh tiah do dê. Do là dơ̆ cribơyai tàm tiah do kwơ màng nàng nàng sơlơ tơnguh lơh broă bal ring lơngai mờ geh kwơ bal nàng bơtàu tơnguh kơ̆ kơl jap tàm tiah dà dờng Mekong.

Pơrjum kwang bàng kấp dờng bơh Ủy hội dà dờng Mekong geh tơngume “Tam gơl pa mờ lơh broă bal nàng kờñ gàr tơl niam dà mờ bơta bơtàu tơnguh kơ̆ kơljap bơh tiah dà dờng Mekong dê”. Do là dùl broă lơh kwơ màng ngan, lơh tềl bơta lơh broă bal Mekong geh hơ pơrgon mờ kờñ uă ngan bơh kwang bàng kấp dờng ngan rlau jơh bơh Cíñ phủ ală lơgar tàm mpồl Ủy hội dê mờ ală gah geh gơrềng ai bơta bơtàu tơnguh kơ̆ kơljap bơh tiah dà dờng Mekong dê. Tàm pơrjum, ală Thủ tướng cribơyai bè ală bơta kal ke, bơta lòng kung bè ală tŭ tơngai niam gơwèt mờ bơta bơtàu tơnguh bơh tiah Mekong mờ rơ̆p ring bal Jơnau yal bơr bal bơh dơ̆ pơrjum- Jơnau yal bơr bal Viantiane dê.