VOV4.K’ho- Mho ngai 05/06, tàm ƀòn dờng Hồ Chí Minh, Thủ tướng Cíñ phủ ồng Phạm Minh Chính tus mờ đơs đơng lam dơ̆ pơrjum cribơyai kấp dờng Pơrjum Lơh sa Việt Nam mờ tơngume: “Bơt bơtàu rài lơh sa lơngap lơngai is, lơh tờm pơgồp bal mờ mut gơ rờm bal lơh sa jrô ơnàng tàm bơta pa” bơh Mpồl Lơh sa dà lơgar dê bơyai lơh bơh bơta đơng lam bơh Ủy viên Ƀộ Cíñ trị, Kwang atbồ Mpồl lơh sa dà lơgar ồng Trần Tuấn Anh.

Thủ tướng Cíñ phủ ồng Phạm Minh Chính tus bal Pơrjum Lơh sa Việt Nam

Tơnơ̆ tŭ iăt, kơno ală jơnau đơs cribơyai, đơs tàm dơ̆ pơrjum, Thủ tướng Cíñ phủ ồng Phạm Minh Chính đơs sùm, gùng dà pơlam “lơngap lơngai is, lơh tờm pơgồp bal mờ mut gơ rờm bal” geh bơh bồ tơngoh kơlôi sơnơng sùm bơh Đảng he dê bè bơta tàm pơgồp bal bơta pràn jơi bơtiàn mờ bơta pràn rài pa, là bơta đòm jat bơceh pa củ nghĩa Mác- Lê Nin mờ bồ tơngoh Hồ Chí Minh dê. Bè kơnòl broă, gùng dà broă lơh tờm, Thủ tướng sơnñio loh: pal lơh geh tiah ring lơngai, sền gàr kơ̆ kơl jap bơta lơngap lơngai is, gơnoar tờm, tơl làm kơnhoàl ù tiah, kơ̆ kơljap cíñ trị- mpồl bơtiàn, kơ̆ kơljap adat boh lam, lơh geh bơnàng jă mờ ală bơta ƀuơn ai bơta bơtàu tơnguh rài lơh sa lơngap lơngai is, lơh tờm is pơgồp bal mờ mut gơ rờm bal mờ dunia jrô ơnàng.

Cau mblàng K’Hạnh