VOV4.K’ho- Drim ngai 22/08, tàm Hà Nội, Thủ tướng Cíñ phủ ồng Phạm Minh Chính tus bal pơrjum mblàng yal bơsram mờ lam lơh jat Nghị quyết sồ 08 bơh Ƀộ Cíñ trị dê bè lơh pràn bơtàu tơnguh lơh sa mờ măy mok sền gàr dà lơgar tus nam 2030 mờ ală nam pơn jat tai bơh Quân ủy dà lơgar- Ƀộ Quôk phòng bơyai lơh.

Thủ tướng Cíñ phủ ồng Phạm Minh Chính tus bal pơrjum mblàng yal bơsram mờ lam lơh jat Nghị quyết sồ 8 bơh Ƀộ Cíñ trị dê

Đơs đơng lam tàm dơ̆ pơrjum, Thủ tướng Cíñ phủ ồng Phạm Minh Chính đơs sùm, Nghị quyết sồ 08 tơngŏ bơta sền gròi uă ngan, bơta gơn kơnờm mờ bơta pin dờn bơh Đảng, Dà lơgar mờ làng bol dê gơwèt mờ gah lơh sa mờ măy mok Sền gàr dà lơgar dê, lơh jat ngan ngồn jơnau kờñ bơt bơtàu Ling klàng tus nam 2025 sền bal là niam, pràn, lơh bơnàng jă kơ̆ kơljap, pơnđơl pràn lơh ngan tus nam 2030 bơt bơtàu Ling klàng làng bol kăc màng, cíñ quy, nhap nhar, pa ngan jak ngan. Mờ broă lơh jat Nghị quyết sồ 08 kung pơgồp bơnah sơlơ tơnguh lơh sa mờ măy mok mờ dà lơgar măy mok lơh jơh lơm, bơt bơtàu rài lơh sa krơi is, rcang lơh tờm is, rcang lài, lơh ngan mut gơ rờm bal mờ dunia jrô ơnàng, làm uă, geh ngan mờ geh cồng nha.  

Cau mblàng K’Hạnh