Đơs tàm pơrjum, Thủ tướng Cíñ phủ ồng Phạm Minh Chính đơs nền, tam gơl sồ là broă pal geh lơh, gam geh lơh pràn kơl dang, jrô ơnàng tàm gùt dunia. Geh uă sră nggal mờ nghị quyết bơh Đảng neh đơs tus uă ngan bè broă tam gơl sồ, lơh sa sồ, mpồl bơtiàn sồ tàm ală jơnau kờñ, nùs nhơm bơtàu tơnguh mờ lơh pràn broă lơh jŏ jòng; ai broă tam gơl sồ là dùl tàm ală kơnòl tờm.

Nam 2023 là nam Zữ liệu sồ dà lơgar, mờ nùs nhơm kơlôi sơnơng zữ liệu sồ là phan bơna dà lơgar dê, là bơta tờm bơh broă bơtàu tơnguh, he pal git, ngui bơta niam nàng lơh, ngui bơta kwơ bơh zữ liệu sồ gơs bơta pràn kwơ màng ai broă bơtàu tơnguh lơh sa mpồl bơtiàn in. Thủ tướng hòi jà ală ƀộ, gah lơh broă dà lơgar, ală càr, ƀòn dờng pal tơrgùm lơh gơs kơrnoăt, broă dong kờl phan bơna sồ, bơta tờm sồ mờ priă sồ nàng lơh pràn zữ liệu sồ bơtàu tơnguh ring niam, kơ̆ kơl jăp.