Thủ tướng đơs nền, mờ bơta sền gròi sồr lơh bơh Đảng, Dà lơgar, Cíñ phủ dê, bơta lơh ngan bơh ală kâp ủy đảng mờ gơnoar atbồ, làng bol càr Kiên Giang dê, ƀòn dờng Phú Quốc dê, broă lơh sa – mpồl bơtiàn bơh Phú Quốc dê neh geh bơta bơtàu tơnguh pràn ngan, tơl làm tàm ală gah. 

Nàng Phú Quốc bơtàu tơnguh mhar, kơ̆ kơljap, tơngai tus, Thủ tướng sồr: lơh ngan bơt bơtàu Phú Quốc gơs anih tờm broă drơng ala, lòt nhơl ƀòn niam chài brê bơnơm geh bơta niam uă, lòt nhơl dà lềng, là tiah pal kis ngan, là bồt kâp ală lơgar rềp bal mờ dunia, tàm tơrbŏ bal mờ ală anih tờm lơh sa dờng tàm tiah do mờ dunia; đơs nền mat lòt nhơl Việt Nam tàm sră wac sềr rùp ù tiah lòt nhơl dunia. Phú Quốc pal mờ pơn jat tai tam gơl pa bồ tơngoh kơlôi sơnơng bơtàu tơnguh mờ nùs nhơm “priă jền sơn đờm bơh bồ tơngoh kơlôi sơnơng; bơta gơn kơnờm sơn đờm bơh bơta tam gơl pa; bơta pràn sơn đờm bơh làng bol, mpồl lơh sa kă bro.