Đơs tàm pơrjum, Thủ tướng ồng Phạm Minh Chính đơs nền, do là broă geh kuơ dờng màng ngan, pơgồp bal yal rơndap ù tiah mờ hòi jà bơcri priă bơh càr dê; ai tơnggŏ broă wèt sền jŏ jòng, geh bơta rơndap tap sèng niam, jak chài mờ bơta sền gròi uă ngan bơh ală mpồl lơh sa kă bro, cau bơcri priă mờ ală jơnau đơs jơh nùs, jơnau đơs niam, di mờ jơnau kờñ ngan ngồn bơh ală mpồl lơh sa kă bro, cau bơcri priă dê.

Bè rơndap ù tiah càr Lạng Sơn, tơngai bơh nam 2021 tus nam 2030, broă wèt sền tus nam 2050, Thủ tướng đơs, rơndap ù tiah geh rơcang lài jơh nùs, geh bơta rơndap tap sèng niam, jak chài; bơt bơtàu jat bơnàng jă ngui bơta pràn krơi is, tŭ niam mpờl gŏ, bơta ƀuơn tàm pơrlòng, kung bè bơsong ală bơta ờ niam bơh càr dê. Rơndap ù tiah neh gơtùi ai tơlik gùng dà, broă rơndap lơh, jơnau kờñ bơtàu tơnguh tờm, bơta tam gơl pràn bơtàu tơnguh, rơndap broă bơtàu tơnguh, broă lơh, broă dong kờl, priă jền lam lơh rơndap ù tiah tàm tơngai tus.