Drim òr (25/06), jăt jơ tàm tiah do, tàm ƀòn dờng Đại Liên, lơgar Lo, Thủ tướng Chính phủ ồng Phạm Minh Chính neh geh jơnau đơs kwơ màng tàm Pơrjum sơn đờm bơh Pơrjum bè ờs pah nam ală cau lam lài dơ̆ 15 bơh Pơrjum Lơh sa dunia geh bơyai lơh tàm ƀòn dờng Đại Liên (WEF Đại Liên) bal mờ Thủ tướng lơgar Lo ồng Lý Cường, Kwang atbồ lơgar Ba Lan ồng Andrzej Duda, Củ tịc Cri bơyai lơh sa Dunia ồng Klaus Schwab. Geh jơnau đơs bal tàm Pơrjum sơn đờm, Thủ tướng Cíñ phủ ồng Phạm Minh Chính đơs niam gơnoar broă lam lài bơh lơh sa lơgar Lo dê gơwèt mờ broă tơnguh lơh sa gùt plai ù. Là lơgar rềp mờ đềt mềr bal, “bơnơm tam đir bơnơm”, “dà dờng tơrbŏ bal dà dờng”, geh bơ̆t bơtàu bal “Mpồl bơtiàn tam pà bal tơnơ̆ do đah lơgar Việt Nam mờ lơgar Lo geh kwơ màng jŏ jòng”, lơgar Việt Nam chờ hờp tềng đăp mờ broă bơtàu tơnguh bơh lơgar Lo dê.

Lơgar Việt Nam pin dờn lơgar Lo pơn jăt tai ngui gơnoar, lơh pràn ală bơta pràn gơguh pa; lơh pràn kơl dang nùs nhơm uă lơgar, tơnguh nùs nhơm tam klăc bal, lơh broă bal mờ ală lơgar, sền gàr bơta ring lơngai, kơ̆ kơl jăp, lơh broă bal, bơtàu tơnguh pas gơs tàm tiah do mờ tàm dunia. Dùl gah lơh sa lơgar Lo pràn is, pràn kơl dang, tơrgùm bal jrô ơnàng geh cèng wơl ală bơta gơrềng niam tus tàm dunia.