Thủ tướng Cíñ phủ ồng Phạm Minh Chính tus sền, lòt sền nền tiah ồs sa hìu jơnhoa cờñ ơm bal dềt Khương Đình, Hà Nội
Thứ năm, 06:00, 14/09/2023
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Klo ngai, ngai 13/09, Thủ tướng Cíñ phủ ồng Phạm Minh Chính neh tus sền, lòt sền nền tiah ồs sa hìu jơnhoa cờñ ơm bal kơn jơ̆ ngan gơlik geh tàm sơnah bòn Khương Đình, quận Thanh Xuân, ƀòn dờng Hà Nội tơnơ̆ tŭ tus còp mờ lòt sền broă lơh sơm sồt ai cau rềs àr in tàm dơ̆ ồs sa tàm Hìu sơnơm Bạch Mai, Hà Nội.
Tàm tiah ồs sa, ala mat Cíñ phủ, Thủ tướng Cíñ phủ pơyoa jơnau lùp còp, tam pà bal bơta muăt jrùm uă ngan tus mờ cau pròc mhàm, hìu bơnhă cau gơtìp rềs àr mờ sồr Ủy ƀan Ñân zân ƀòn dờng Hà Nội đơng lam lam lòt còp niam ngan, di tŭ pơndờm pơnđiang, dong kờl phan bơna, nùs nhơm hìu bơnhă cau gơtìp rềs àr.
Pơgồp bal niam mờ Ƀộ Kwang àng sồr ală mpồl lơh broă geh gơnoar tơrgùm bơsong jơnau gơ lời wơl, mhar lùp sền jơnau tờm gơlik geh dơ̆ ồs sa, lơh loh kơnòl bơh ală mpồl cau, cau dùl nă să geh gơrềng; lơh glài kràñ (dilah geh) jat jơnau cih bơh adat boh lam dê.
Viết bình luận