Thủ tướng đơs loh, bal mờ gùng dà broă tơrgùm bal gam geh lơh pràn kơl dang, jrô ơnàng tàm uă gah broă, lơh broă bal sền gàr dà lơgar đah lơgar Việt Nam mờ ală lơgar tàm dunia sùm geh Đảng, Dà lơgar Việt Nam sền gròi, lơh sùm, lơh pràn mờ tơnguh bơtàu.

Mờ jơnau kờñ lơh pràn broă tơrgùm bal mờ dunia, tơnguh broă cri bơyai sền gàr dà lơgar, tơnguh nùs nhơm pin dờn bal đah lơgar Việt Nam mờ ală lơgar tàm dunia, lơh pràn lơh broă bal lơh sa mờ măi mŏk sền gàr dà lơgar, Ràng tơlik Sền gàr dà lơgar dunia Việt Nam nam 2022 là bơta niam nàng ală kwang bàng ai geh gùng dà sền gàr dà lơgar, ală mpồl lơh sa kă bro sền gàr bơta lơngăp lơngai dà lơgar in tìp bal, cri bơyai, tơnguh bơtàu, lơh broă bal wèt tus dùl dunia ring lơngai, lơh broă bal mờ tơnguh bơtàu pas gơs.

Ràng tơlik Sền gàr dà lơgar dunia Việt Nam neh hòi jà geh rơlao 170 kông ty, mpồl lơh sa kă bro sền gàr dà lơgar bơh 30 lơgar tàm dunia mờ ală ƀộ, gah lơh broă dà lơgar tàm lơgar Việt Nam bal mờ rơlao 250 mpồl cau năc bơh dunia mờ tàm lơgar tus bal, ràng tơlik phan lơh sa mờ măi mŏk sền gàr dà lơgar. Bơta do tơlik gŏ broă sền gròi mờ nùs nhơm niam bơh ală lơgar, ală mpồl lơh broă ai lơgar Việt Nam mờ ling klàng làng bol lơgar Việt Nam in.