VOV4.K’ho - Drim òr (05/08), tàm Hà Nội, Thủ tướng Cíñ phủ ồng Phạm Minh Chính tus pơrjum tơnkah 20 nam ngai crơng gơs Ƀộ Tài nguyên mờ Môi trường. Di tàm dơ̆ do, Tổng Ƀí thư ồng Nguyễn Phú Trọng neh pơyoa sră chờ gờm. Tổng Ƀí thư kơ̆p kờñ gah Tài nguyên mờ Môi trưởng rơcang rơlao tai tàm broă yal lài, pơlam, lơh jăt ală broă lơh nàng rơcang sơndră di tŭ, geh cồng nha mờ tam gơl trồ tiah, tơnguh broă atbồ phan geh is mờ sền gàr tiah kis.

Đơs tàm dơ̆ pơrjum tơnkah, Thủ tướng Cíñ phủ ồng Phạm Minh Chính dờp mờ pơn jờng ală broă lơh ngan bơh ală rài kông cứk, viên cứk, cau lơh broă tàm gah Tài nguyên mờ Môi trường bơh ală rài mờ chờ gờm ală cồng nha bơh gah do dê neh lơh geh tàm ală nam do. Tàm tơngai tus Thủ tướng sồr, kwang đơng lam, kwang bàng, kông cứk, viên cứk, cau lơh broă tàm gah Tài nguyên mờ Môi trường pal tơnguh nùs nhơm tam klăc bal, pơgồp bal nền nòn; tơrgùm lơh gơs broă kwang bàng tàm tơngai lơh broă Cíñ phủ pa, gàr geh bơta niam kwang bàng, lơh broă geh cồng nha.

Cau mblàng Ndong Brawl