Tàm dơ̆ wă, 2 nă kwang đơng lam bồ jờng rơ uă ngan bè ală bơta bơtàu tơnguh bơh bơta gĭt gơ̆p 2 Đảng, 2 lơgar tàm tơngai pa do, cribơyai ală broă lơh nàng kờñ lơh jat niam bơta buơn, bơta pràn bơh 2 gah dê, sơlơ tơnguh rlau tai bơta gĭt gơ̆p lơh broă bal đah 2 gah, kwơ màng là đah ală tiah lơgar Việt Nam mờ càr Vân Nam tàm tơngai tus.

Thủ tướng kơ̆p kờñ tàm tơngai tus, ală kấp, ală ngàñ, ală tiah 2 gah dê lơh niam bàr pe broă lơh bè tơnơ̆ do: Dùl là, gàr niam tìp mat lơh kwèng, tìp mat sùm. Bàr là, pờ ơnàng lơh broă bal geh kwơ bal mờ tờm ngan là lơh geh bơta tam gơl dờng bè lơh broă bal lơh sa, kă bro, tàm tơrbŏ gùng lòt hơđang ù gờl, gùng rơndeh ồs, lòt nhơl mờ bơto bơtê. Pe là, pơn jat tai pơgồp bal niam tàm broă atbồ, sền gàr tiah nhàr lơgar hơđang ù gờl lơgar  Việt Nam mờ Lo.