VOV4.K’ho- Thủ tướng Cíñ phủ ồng Phạm Minh Chính neh wă rò Ƀộ trưởng Ƀộ Tư pháp lơgar Lào ồng Phayvy Siboualypha lam bồ Mpồl kwang bàng ala măt Ƀộ Tư pháp lơgar Lào lòt còp mờ lơh broă tàm Việt Nam. Thủ tướng Cíñ phủ Việt Nam jờng rơ ngan cồng nha Cribơyai đah bàr Ƀộ Tư pháp Việt Nam mờ Lào; mờ pin dờn Ƀộ Tư pháp 2 lơgar geh bơyai lơh geh cồng nha dơ̆ tơngkah kir sơnrai 40 nam gĭt gơ̆p lơh broă bal adat boh lam, sền gàr adat boh lam mờ Pơrjum sền gàr adat boh lam ală càr geh bal gùng nhàr lơgar Việt Nam mờ Lào pờ ơnàng dơ̆ V, tă pơgồp tàm cồng nha lơh geh bơh nam Tam klăc Lơh bơyô bal Việt Nam mờ Lào, Lào mờ Việt Nam 2022.

Tàm tơngai tus, Thủ tướng sồr bàr lơgar tam klăc bal, ring bal rlau tai nàng sơrlèt gan kal ke, bơta lòng, jơh nùs pơgồp bal niam, tơnguh tai bơta gĭt gơ̆p “tam klăc lơh bơyô bal dờng màng ngan”; Thủ tướng đơs nền kờñ bal bơta gĭt gơ̆p lơh broă bal đah bàr Ƀộ Tư pháp, Việt Nam tŭ lơi kung rơcăng pơn jăt tai dong kờl lơgar Lào tàm gah broă lơh adat boh lam mờ sền gàr adat boh lam, tam pà bal bơta mờng chài tàm broă lơh sir gơs adat boh lam, bơ̆t bơtàu dà lơgar gơnoar adat boh lam xã hội củ nghĩa; sồr bàr nă Ƀộ trưởng kơlôi sơnơng gùng dà lam lơh jăt ngan ngồn, dipal mờ geh cồng nha rlau tai.

Cau mblàng Lơ Mu K’Yến